#信義軼事
#2020信義軼事
**長文慎入**
一年容易到年尾~ 今年大家都辛苦啦~ #抗疫日常 成為大家話題， #肝很煩 #肺很勞 亦都成為信義妹較常用hashtag。
一如往年整 #bestnine 睇相就已經知今年大家都努力抗疫。 口罩消毒用品都入榜了~ 口罩要多謝各界朋友幫助脫貧。唉~ 幾時先可以唔駛帶口罩呢？ 好彩都仲有手作同食物當選。
今年驚人發現係，信義妹無帶眼識人。睇錯了，就要學會斷捨離。可惜信義妹斷捨離一向都唔太好，但由此事可見，信義妹斷捨離都有所進步。來年希望可以不論人事物都能果斷地斷捨離。亦都遇到一啲只許自己呻，人家呻就被話的人 （今年朋友們都表示遇到不少類似)。其實人家都係同你一樣呻下， 俾唔到安慰意見，就請你當一個聆聽者。係呢個時候，不論你既家庭崗位係咩，你都辛苦，能找到同路人固然開心，不同路的，亦都無必要急住作攻擊。同一方法俾你試多一兩次，人家都無必要再受你氣。
今年業務多了，更開多一個範疇既業務，忙到泡都keep住嘔。朋友笑言，信義妹自己在平衡風險。信義妹只能講今年做咩都係 有風險，只要你身體健康死唔去，你就已經勝出了一半了。
遇上停課，ZOOM 成為主導。信義妹對網上教學無什麽特別睇法。不論小卷小立在家還是在校學習，信義妹仍然是貓媽。。。。。。老師們都辛苦了~
小卷小立都長大啦~~~ 煮飯，簡單餸菜湯飲都可以啦~ 分工合作，雖然有時都會為爭切菜落肉吵吵鬧鬧，但唔吵鬧又好似更唔對路。。。。。疫症下，沒有太多既外出，但就畫了很畫，做很多手作。 希望來梗可以同小卷小立做更多手作~
信義妹亦都由某朋友GROUP體能排行榜最尾，跑到第一位。。。。。。話說，朋友間很多都有主題樂園年票，信義妹亦都加入了主題樂園年票啦~本想係小卷最後一年幼稚園玩到盡的心態。。。結果，疫症下年票到期日都順延了。信義妹能急速由榜尾升榜首的原因，係朋友間一直都誤會了，直到有一次大家唔覺意傾談時就發現到。誤會係朋友們到主題樂園好多時都係一點入場四點離場；信義妹係樂園開門前半小時已到場，樂園官方閉園時間超過一小時都仲係樂園。朋友們以為信義妹係坐的士，uber或者揸車；信義妹係帶住兩個細既坐公共交通工具仲要轉車。朋友係去到樂園買水；信義妹係帶水入樂園。 朋友係著公主裙入園；信義妹係帶公主裙入去換，玩完就換番平民裝出來。仲有很多不同的習慣，連六仔都笑信義妹，每次同啲細既去玩都當係單日門票玩~ 總結，不論點玩法都無問題，最梗要好玩就得啦~
回望一下，今年有唔開心既，但亦都有開心既，咁唔開心就係呢度寫完就忘記吧~開心既就好好記住~~~
2021年，相信仍然係拼抵抗力既時代，最重要身體健康，活得開心，就不枉過啦～來年還請大家繼續多多指教～
#bestnine2020incredibleshunyeemui #topnine #byebye2020 #welcome2021 #信義藍星札記 #信義妹 #incredibleshunyeemui #ig_my30days #sohappy💛💟
Search